قصيده رائعه لشاعر فهد الشهراني

اخترت لكم هذه القصيده لشاعر الجنوب الشاعر /فهد الشهراني

ابداع في عالم الشعر وصوت شادي وشعر اوفى ان اتكلم عنه

ومن اجدد قصائده

عمر المحبـه ماتجافـي الحبايـب
بس الحبايـب للمحبـه يجافـون
وعمر الهجر ماكان وصل القرايب
واهل القطيعه بالمعيبات يطـرون
أبشتكي همٍ عـن النـاس غايـب
وأقول فزّوا ياهل العـون بالعـون
إن كان حبي له يجي بالمصايـب
بلاااااااش من حبه على مايقولون
((صدّيت خوفي لا تزيد النشايـب
وأخذت في جنبي وأنا كلي طعون))
مااضّرني برد الشتـاء ياهبايـب
الصيف في قلبي من العام مسجون
ماشفت قلبي بين الاضلاع ذاايـب
لأني احـس وغيرنـا مايحسـون
ودموع عيني كنها دمـوع تاايـب
تذرف دموعه كل ما جو يصلوون
ماني بشايب لكن الـراس شايـب
شايب من الي شفت ولي يسوون
أعطيتهم عمري وروحي وهايـب
وأشوفهم مع مر الايـام يقسـون
ناديتهـم يانـاس مانـي بطايـب
ردوا علي يانااس تكفون تكفـون
حثوا على الدرب الطويل الركايب
ولا التفت واحد من الـي يقفـون
لكن عرفنا في الاخيـر السبايـب
عطيتهم من فـووق مايستحقـون
الكفو يبقـى والزلايـب زلايـب
يالله عساهم من حيااتـي يولـون
[center]