قصيده لشاعر المليون فهد الشهراني
..
..
تبا ريحك على جمر الغضا يا قلبي المهموم
ونبضاتك دموع مرسله وتهلها عيني
تعبت وتعبت عيوني معاك ولا اهتنت بانوم
مواويل المواجع خلها ما بينك وبيني
على مهلك بصدري لا تهزه وارض بالمقسوم
على جور العيون الي تنام ولا تراعيني
من اول يوم انا وياك انا وياك لا اخر يوم
على الدرب الطويل الي جهلته يا موديني
رضيت وما معي حيله هو الحاكم وانا المحكوم
تشيل الحمل يا قلبي ولا كنك تعنيني
احبك يا بحر لا كن اخاف وما اطيق العوم
تكفيني سواليفك على الشاطي وتغنيني
كذا يرضيك يا قلبي اطيح وما قدرت اقوم
وانا ماني بحي الله بشر يومك تبكيني
بكى حتى القلم من رحمتي ما فارق الابهوم
نزف حرفي على صدر الورق عله يسليني
سمعت علوم يا قلبي ومنك ما سمعت علوم
ما غير دموعك الي سقتها وتهلها عيني
شكيت وما شكيت الى عليه الواحد القيوم
وغير الله ضعيف ولو عطاني ما بيشفيني
اله طالبك تغفر لعبد ماهو معصوم
اله طهر القلب الضعيف ولا تخليني
..
موضوع: قصيده لشاعر المليون فهد الشهراني تبا ريحك 
